Ֆրանսիայի խորհրդարանի ստորին պալատը՝ Ազգային ժողովը, դեմ է քվեարկել ծայրահեղ ձախակողմյան «Անհնազանդ Ֆրանսիա» կուսակցության կողմից նախաձեռնված՝ վարչապետ Սեբաստիեն Լեկորնյուի կառավարությանն անվստահություն հայտնելու վերաբերյալ բանաձևին, հայտնում է BFMTV հեռուստաալիքը։
«Քվեարկության արդյունքում անհրաժեշտ մեծամասնությունը չի հավաքվել, և բանաձևը մերժվել է», — քվեարկությունից հետո հայտարարել է Ազգային ժողովի խոսնակ Յաել Բրոն-Պիվեն։
Կառավարության հրաժարականի օգտին քվեարկել է խորհրդարանի 271 անդամ, մինչդեռ անվստահության քվեի ընդունման համար անհրաժեշտ էր 289 ձայն։
