Աշտարակի պաշտոնական կայքում նշվում է. «Համազգային ցույցի կապակցությամբ Էյֆելյան աշտարակն այսօր փակ է»։
Ֆրանսիայի իշխանությունների գնահատմամբ՝ երկրի տարբեր շրջաններում ցույցերին կարող է մասնակցել մինչև 700 հազար մարդ, իսկ Փարիզում՝ մինչև 80 հազար։ Ֆրանսիայի ներքին գործերի նախարարությունը հասարակական կարգի պահպանման նպատակով նախատեսում է ներգրավել շուրջ 70 հազար ոստիկան և ժանդարմ։
Հանրապետությունում ցույցերն անցկացվում են երկրի խոշորագույն արհմիությունների կոչով։
Հիշեցնենք՝ Ֆրանսիայում բողոքի շարժումը սկսվել է սեպտեմբերին՝ Փարիզում, և հետագայում տարածվել ամբողջ Ֆրանսիայում։ Սկզբում ցույցերին մասնակցում էին հիմնականում ավագ դպրոցի աշակերտները, սակայն նրանց հետագայում միացան նաև համալսարանների ուսանողները։
Բողոքի մասնակիցները դժգոհում են կրթական համակարգի մի շարք խնդիրներից՝ գերբնակեցված դասարաններից, դպրոցական շենքերի վատ վիճակից, ուսուցիչների պակասից և կրթության ոլորտի անբավարար ֆինանսավորումից։
