«Դուք այստեղ հիշեցիք Ձեր չորրորդ դասարանի շարադրությունը։ Վստահաբար, շարադրություն գրելու ջիղը Ձեր մեջ լավ զարգացրել եք, ու հիմա տպավորություն է, որ պետական քաղաքականությունը Ձեր չորրորդ դասարանի շարադրություններից շատ չի տարբերվում։ Ինչո՞ւ
Դուք հայտարարում եք, որ արտահանման ոլորտում առաջացած խնդիրը ճգնաժամ է ԵԱՏՄ-ի համար, Հայաստանի համար՝ հնարավորություն։
Հիմա ինչո՞վ է սա շարադրություն։ ԵԱՏՄ-ում 1 տոկոսից էլ պակաս է կազմում Հայաստանից արտահանվող ապրանքների տեսակարար կշիռը, Հայաստանի արտահանման ծավալը ԵԱՏՄ շուկայում 30-50 տոկոս է կազմում։
Դուք, պարոն Փաշինյան, այդ ամբիոնից, նաև կառավարության նիստերի ժամանակ, պարբերաբար հպարտացել եք արտահանման ծավալներով։ Դուք քարոզարշավի ժամանակ հայտարարել եք, որ Պուտինը Ձեր ավագ ընկերն է։ Հիմա եկել այստեղ ընդդիմադիրներին մեղադրում եք այդ խոչընդոտները քաջալերելու համար։ Ինչո՞ւ այս հարցերը չեք լուծում, եթե Պուտինը Ձեր ավագ ընկերն է։ Ընդդիմությո՞ւնն է, փաստորեն, խոչընդոտ հանդիսանում, որ Լարսում ապրանքը փտում է, կամ մեր գյուղացիները հենց իրենց դաշտում ոչնչացնում են այդ ապրանքը»,- այս հարցն է ուղղել Նիկոլ Փաշինյանին ԱԺ «Հայաստան» խմբակցության պատգամավոր Ագնեսա Խամոյանը։
Մանրամասն՝ տեսանյութում։
