Մենք այստեղ ենք՝ Հայաստանի Հանրապետության պետական շահը պաշտպանելու, մեր քաղաքացիների իրավունքներին տեր կանգնելու և պահանջատեր լինելու համար։ Այս մասին այսօր՝ օգոստոսի 4-ին, հայտարարեց ԱԺ «Ուժեղ Հայաստան» խմբակցության պատգամավոր Իրինա Յոլյանը։
«Ցավոք, ընտրությունները չլուծեցին այս իշխանությունից ազատվելու օրակարգային խնդիրը, և մենք այսօր ստիպված ենք խոսել ոչ թե զարգացման ծրագրերի, այլ կենսական խնդիրների մասին։
Արդեն երկու օր է՝ այս ամբիոնից լսում ենք իշխանության տարբեր ներկայացուցիչների, պաշտոնյաների ունեցվածքի, աննախադեպ բարձր աշխատավարձերի մասին։ Այս իշխանությունը հաճախ է սիրում կրկնել ժողովրդավարության մասին թեզերը, խոսել այն մասին, որ Հայաստանի Հանրապետությունում իշխանությունը պատկանում է ժողովրդին։
Հետևաբար, պարզ և շիտակ հարց ունեմ․ եթե Հայաստանի Հանրապետությունում իրապես իշխանությունը պատկանում է Հայաստանի Հանրապետության քաղաքացուն, ապա ինչպե՞ս է ստացվում, որ պետական բարձր պաշտոն զբաղեցնող անձանց և նրանց մերձավորների կարողությունները, բարեկեցությունը բարելավվում են, իսկ Հայաստանի Հանրապետության քաղաքացու կենսական, սոցիալական վիճակը գնալով ավելի է վատթարանում»,- նշեց նա։
Մանրամասն՝ տեսանյութում։
