Politik.am-ը գրում է․ Նիկոլ Փաշինյանի և ՀՀԿ-ի քվեարկությամբ, Միքայել Մինասյանի հովանու ներքո ՄԻՊ դարձած Արման Թաթոյանը երեկ դժգոհում էր նախկին նախագահներից և պահանջում էր Քոչարյանի հրաժարականը, որպեսզի ինքը՝ իր 1% հանրային վստահությամբ  հեռացնի Նիկոլ Փաշինյանին։

 Միամիտ մարդկանց մոտ կարող է ստեղծվել տպավորություն, թե այս երիտասարդը իրականում ցանկանում է, և որ ամենակարևորն է՝ կարող է հեռացնել Փաշինյանին, բայց «չար ուժերը» թույլ չեն տալիս։

 Իրականությունն այլ է։

Երբ եղել է իրական հնարավորություն Փաշինյանի հեռացման գործընթացին մասնակցելու, այս մարդը պարզապես դիրքը «թողել ու փախել» է ։

 2024 թվականին «Սրբազան պայքարի» դեպի Երևան քայլարշավի օրերին նա հանդիպում է Բագրատ Սրբազանի և այլ ուժերի հետ և խնդրում, որ իրեն դիտարկեն որպես վարչապետի միասնական թեկնածու։

 Բագրատ Սրբազանը համաձայնում է, համոզում նաև շարժման մյուս ուժերին։

Բայց հետո՝

 Թաթոյանը, ստանալով համաձայնությունը, խուսափում է հենց սկզբից միանալ քայլարշավին։

 Երբ շարժումը հասնում է Երևան և արդեն հստակ է մարդկանց մեծ աջակցությունը, Թաթոյանը շտապում է միանալ, խոստանում է պայքարել։

Եվ հենց հաջորդ օրը՝
հրաժարվում է առաջադրվել։

 Ականատեսների խոսքով՝ այդ հանդիպման ժամանակ Բագրատ Սրբազանը շատ կոպիտ է արձագանքել․
 «Դու վախկոտ ես, տղամարդու խոսք չունես»։

Եվ դրանով ավարտել խոսակցությունը։

 Այդ օրերին համառ լուրեր էին շրջանառվում, որ Թաթոյանի գործողությունները համակարգում է Միքայել Մինասյանը։

Փորձեցինք օրվա ընթացքում մեկնաբանություն ստանալ Արման Թաթոյանից, սակայն մեր փորձերն ապարդյուն անցան։