ՀՀ իշխանությունները թշնամու օկուպացիոն ռեժիմ են, իսկ երկիրն այսօր զավթված և կառավարվում է թշնամու կողմից։ Այս մասին «Կալանավորված Հայաստան» խորագրով քննարկմանը տեսակապով ունեցած ելույթի ժամանակ հայտարարել է Բագրատ Սսբազանը։
Նրա խոսքով՝ Հայաստանում տեղի ունեցող գործընթացները պայմանավորված չեն միայն առանձին անձանցով, այլ վերաբերում են ամբողջ երկրին։ Սրբազանի պնդմամբ՝ բազմաթիվ քաղաքացիներ քաղաքական հետապնդումների են ենթարկվում և գտնվում կալանքի տակ։
Նա նաև ուշադրություն հրավիրեց Հայաստանում կալանավորների թվի աճի վրա՝ ընդգծելով, որ իրենց մտահոգության առարկան են նաև Բաքվի բանտերում պահվող Արցախի ռազմաքաղաքական ղեկավարությունն ու հայ ռազմագերիները։
