Չինաստանի ԱԳ նախարարը հաստատել է Իրանի ինքնիշխանության աջակցությունը և կոչ արել դադարեցնել պատերազմը։
Չինաստանի արտաքին գործերի նախարարությունը ղեկավարող պաշտոնյան հանդիպման ընթացքում Իրանի ԱԳ նախարար Աբբաս Արաղչիի հետ բարձր է գնահատել Իրանի ժողովրդի դիմացկունությունն ու դիմադրությունը ագրեսիային դիմակայելու հարցում, ինչպես նաև ընդգծել է Իրանի բարի կամքն ու պատասխանատու դիրքորոշումը, հատկապես դիվանագիտական կարգավորման և տարածաշրջանում լարվածության սրման կանխման ուղղությամբ գործադրվող ջանքերը։
Նա վերահաստատել է Չինաստանի հաստատակամ դիրքորոշումը՝ աջակցելու Իրանի տարածքային ամբողջականությանը, ինքնիշխանությանը և ազգային անվտանգությանը՝ ընդգծելով, որ Պեկինը դեմ է ուժի կիրառմանը և անօրինական պատերազմի շարունակմանը, որի հետևանքները վնասում են ոչ միայն Իրանին, այլև տարածաշրջանի և աշխարհի բոլոր երկրներին ու ժողովուրդներին։
Չինաստանի նախարարը նաև անդրադարձել է ՉԺՀ նախագահի՝ Սի Ցզինպինի ներկայացրած քառակետ ծրագրին, որը նպատակ ունի անմիջապես դադարեցնել մարտական գործողությունները և ապահովել կայուն խաղաղություն ու անվտանգություն տարածաշրջանում՝ վերահաստատելով Պեկինի աջակցությունը դիվանագիտությանը և երկխոսությանը՝ որպես ճգնաժամերի լուծման հիմնական ուղի։
