Չինաստանը, Ռուսաստանը և Իրանը մարտի առաջին կեսին համատեղ ռազմածովային զորավարժություններ կանցկացնեն իրանական Չաբահար նավահանգստի ջրերում։ Այդ մասին շաբաթ օրը հայտնել է Չինաստանի պաշտպանության նախարարությունը։
«Չինաստանի, Ռուսաստանի և Իրանի ռազմածովային ուժերը համատեղ զորավարժություններ կանցկացնեն մարտի առաջին կեսին»,-«ՌԻԱ նովոստի»-ի փոխանցմամբ, ասված է չինական պաշտպանական գերատեսչության հաղորդագրության մեջ։
Նշվում է, որ զորավարժությունները տեղի կունենան իրանական Չաբահար նավահանգստի մոտ գտնվող ջրերում։
