«Նախ՝ մեր հայրենակիցներին ուղղակի տեղեկացնենք, որ որևէ արտառոց բան տեղի չի ունեցել, ամեն ինչ նորմալ է։ Մի բանի համար, իհարկե, անկեղծորեն վատ ենք զգում՝ Ազգային ժողովը՝ որպես ինստիտուտ, ձեր աչքերում, ձեր ընկալումներում, մեղմ ասած, շատ է արժեզրկվում։ Բայց մենք ի սկզբանե, երբ գալիս էինք Ազգային ժողով, ամեն ինչ պատկերացրել էինք, դրա համար էլ ասում ենք՝ նորմալ է։

Կարծում եմ՝ առնվազն այն դեպքերից է, երբ որքան Քաղաքացիական պայմանագրից մարդ գա, պետք է երևի «Ավարայրի ճակատամարտը» պատմի՝ թե որքան փառահեղ էին, որքան հզոր էին և այլն։ Կարծում եմ՝ բոլորն ամեն ինչ տեսել են։ Գիտեք՝ երևի նորից կձևակերպեմ՝ մենք պատրաստ էինք դրան, պատրաստ էինք։

Ինչ-որ մեկը խոսում էր, թե ով սադրեց և այլն։ Սիրելի՛ հայրենակիցներ, զուտ ուզում եմ՝ դուք այս տեսարանը պատկերացնեք, որովհետև ես այսպիսի բան ուրիշ երկրում չեմ պատկերացնում։ Ազգային ժողովում քաշքշուկ է տեղի ունենում, իսկ ո՞վ է դրան անդրադառնում։ Երկրի վարչապետը։ Ո՞վ է դրա վերաբերյալ գրառում անելու ժամանակ գտնում։ Վերևում նստած իմ գործընկերները»,- այս մասին այսօր՝ հոկտեմբերի 29-ին, հայտարարեց ԱԺ «Ուժեղ Հայաստան» խմբակցության պատգամավոր Արամ Վարդևանյանը։

Մանրամասն՝ տեսանյութում։