Քաղաքագետ Արա Պողոսյանի ֆեյսբուքյան գրառումը․ «Բանակը Պետության հենասյունն է, և ո՛չ մի դեպքում չի՛ կարելի բանակը դարձնել նախընտրական քարոզչության գործիք։
Միայն անհեռատես, պետականությունը ատող մարդը Բանակը կդարձներ նախընտրական քարոզչության մաս, առանց գիտակցելու, որ դա օպոնենտների մոտ հակազդեցության զգացում է առաջացնելու։
Նույնիսկ՝ եթե ընտրություններում հաղթելու քո միակ ու վերջին հաղթաթուղթը լինի բանակի անունը օգտագործելը, երբեք չպիտի՛ անես դա, որովհետև այն պահին, երբ բանակը ընկալվեց որևէ իշխանության սեփականություն, այդ պահից բանակը կդառնա ժողովրդի մի մասի համար օտար, բոլոր բացասական հետևանքներով հանդերձ։
Զորահանդեսը չե՛ն կապում նախընտրական քարոզչության հետ, որպեսզի այն մնա հասարակությունը մոբիլիզացնող, համախմբող և ներդաշնակող կառույց, բայց ներկա իշխանությունները, որ մեծ սիրով պատրաստ են հարձակվել Եկեղեցու վրա, ապա ինչո՞ւ չպիտի նույն անթույլատրելի արարքն անեին Բանակի նկատմամբ։
Վստահաբար գիտակցելով, որ այդ նույն շարքերում կանգնած են ինչպես իշխանությանը համակրող, այնպես էլ հակակրող զառայողներ․․․
Կամ Բանակի զինանշանը գաղտագողի փոխելը, որ իբր սա մեր սեփական, մեր 0–ական կետիղ ստեղծած բանակն է․․․
Իշխանության ուզուրպացիան նաև այսպես է լինում։
Տա՛ Աստված, որ Հայաստանը չբախվի այն աղետին, որին բախվել են այն երկրները, որոնց իշխանությունները այս ճանապարհով են գնացել։
Հունաստանի «սև գնդապետների» իշխանությունը վկա․․․
Հունիսի 7-ը լավագույն պահն է քաղաքական էվոլյուցիա ունենալու համար, գուցե միակ պահը, երբ մեր ներքին խնդիրները, պառակտումն ու ներքին ատելությունը խորանալու փոխարեն կարող են հանգուցալուծվել․․․»:
