Չեն ցանկանում հայտարարել, որ այն սարքավորումները, որի արդյունքում վերացվեց Էրեբունու վթարը՝ տրվել է «Տաշիր» ընկերության կողմից՝ պարոն Կարապետյանի համաձայնությամբ: Այս մասին մամլո ասուլիսի ժամանակ ասել է «Ուժեղ Հայաստան» խորհրդի անդամ, ՀԷՑ նախկին գլխավոր տնօրեն Դավիթ Ղազինյանը:
«Կարգավորող մարմինը տեղյակ չէ, թե քանի բաժանորդ է հոսանքազրկված եղել Էրեբունու դեպքերի ժամանակ: Պատկերացնել անգամ տեսականորեն չենք կարող, եթե դա մեր օրոք լիներ՝ ինչ էր կատարվելու:
Այդ ամենով հանդերձ՝ արդեն 1.5 ամիս է հորինում են, թե ինչ-որ ֆորսմաժոր կարող է եղած լինել, դրա գլխավոր ու միակ նպատակն է մեր ժողովրդին չփոխհատուցելը, որովհետև որոշակի ժամերից հետո ՀԷՑ-ը պարտավորություն ունի փոխհատուցելու, օրինակ՝ մեր ժամանակ, ամբողջությամբ փոխհատուցվել է: Իրենց ազնվության հետ կապված արդեն կասկած չի կարող լինել»,- նշել է նա:
