BBC հեռուստաալիքը պաշտոնապես ներողություն է խնդրել ԱՄՆ նախագահ Դոնալդ Թրամփից, սակայն մերժել է նրա փոխհատուցման պահանջները, հաղորդում է BBC-ն:
Միջադեպը ծագել է անցյալ տարվա «Պանորամա» հաղորդման դրվագից, որում ցուցադրվել էր Թրամփի 2021 թվականի հունվարի 6-ի ելույթի մոնտաժված կադրերը՝ ստեղծելով տպավորություն, որ նա ուղղակիորեն կոչ էր անում իր կողմնակիցներին գրոհել Կապիտոլիումը։
BBC-ի նախագահ Սամիր Շահը խոստովանել է, որ մոնտաժը ստեղծել է բռնության ուղղակի կոչի կեղծ տպավորություն և անձնական նամակ է ուղարկել Սպիտակ տուն: Կորպորացիան հայտարարել է, որ 2024 թվականի ծրագիրն այլևս չի հեռարձակի: Սկանդալը հանգեցրել է գլխավոր տնօրեն Թիմ Դեյվիի և լրատվական բաժնի ղեկավար Դեբորա Թըրնեսի հրաժարականին:
