«Մենք ապրում ենք մի մարզում, որին Նիկոլ Փաշինյանը, կարելի է ասել, պատերազմ է հայտարարել, որովհետև հենց մեր մարզում են գտնվում մեր ինքնության, հոգևոր և ազգային կարևորագույն կառույցները՝ Մայր Աթոռ Սուրբ Էջմիածինը և, իհարկե, Սարդարապատը։

Նա պատերազմ է հայտարարել Հայ Առաքելական Եկեղեցու դեմ՝ կալանավորելով մեր բարձրաստիճան հոգևորականներին, քրեական գործ հարուցելով Ամենայն Հայոց Կաթողիկոսի նկատմամբ։ Եվ հիմա լկտիությունը հասել է այն մակարդակի, որ ՔՊ-ի նախընտրական ծրագրում գրված է, թե եթե ժողովուրդն իրենց ձայն տա, դա իրենց իրավունք կտա «բարեփոխումներ» իրականացնել եկեղեցում։

Այդ «բարեփոխումների» անվան տակ փորձելու են վերջնականապես քանդել Հայ Առաքելական Եկեղեցին, որովհետև այս տարիների ընթացքում, կարելի է ասել, միակ կանգուն կառույցը հենց եկեղեցին է եղել, որտեղ Նիկոլ Փաշինյանի և իր խունտայի կեղտոտ ձեռքերը չեն հասել»,- այս մասին այսօր՝ մայիսի 23-ին, հայտարարեց «Հայաստան» դաշինքի պատգամավորի թեկնածու Սևակ Խաչատրյանը։

Մանրամասն՝ տեսանյութում։