Նիկոլ Փաշինյանի՝ մայիսի 29-ի նիստին եկեղեցին չուլան համարելու, մեկ օր անց մի քանի գրառումներով հոգևորականներին վիրավորելու քայլերից հետո սոցհարթակներում պահանջում են Մայր Աթոռից Նիկոլ Փաշինյանին հեռացնել Հայ Առաքելական Սուրբ Եկեղեցու հաղորդակցությւոնից։
Եվ այսպես, եկեղեցին կարող է նշանակել պատիժներ, որոնցից են
Բանադրանք
Եկեղեցու կողմից մեկին նզովելը որպես պատիժ:
Նզովք
Քրիստոնեական եկեղեցու որոշումը, որով մեկը զրկվում է եկեղեցու հաղորդակցությունից:
Հիշեցնենք՝ 2024 թվականի ապրիլի 23-ին՝ Ջահերով երթը երբ հասավ Ծիծեռնակաբերդ, Մայր Աթոռ Սուրբ Էջմիածնի դիվանապետ Գերաշնորհ Տեր Արշակ արքեպիսկոպոս Խաչատրյանը նզովք կարդաց, որտեղ թեև անուն չկար, բայց հասկանալի էր, թե ում է ուղղված․
«Ով փորձում է ջնջել կամ կասկածի տակ առնել Հայոց Ցեղասպանության իսկությունը, նզովյալ պիտի լինի սերնդեսերունդ,
ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես,
ով պայքարում է եկեղեցու դեմ, հավիտենական դատապարտության ու ամոթի խարանով պիտի հիշվի պատմության մեջ,
ով խարխլում է հայոց ընտանիքի հիմքերը, զրկված պիտի մնա ընտանեկան հարկից ու ընտանեկան ջերմությունից,
ով հրաժարվում է հայրենի հողերից, անիծյալ ու աստանդական պիտի դառնա եղբայրասպան Կայենի նման»։
