Բաքվի դատարանում Դավիթ Մանուկյանը և Դավիթ Բաբայանը միջնորդել են որպես վկա կանչել Նիկոլ Փաշինյանին և Արարատ Միրզոյանին, ինչպես նաև ԵԱՀԿ դեսպան Անջեյ Կասպշիկին։ Այս մասին գրում է Սպուտնիկ Արմենիան։

Արցախի ՊԲ հրամանատարի նախկին տեղակալ Դավիթ Մանուկյանը առաջարկել է Փաշինյանին տեսակոնֆերանսի միջոցով գործընթացին մասնակից դարձնել: Արցախի նախկին արտգործնախարար Դավիթ Բաբայանն իր հերթին նշել է, որ ինքն ու Դավիթ Մանուկյանը ծանոթ են նշված անձանց և անմիջական կապի մեջ են եղել նրանց հետ, ինչն էլ հիմք է նրանց` որպես գործով կարևոր վկաներ կանչելու դատարան:

Արցախի խորհրդարանի նախկին խոսնակ Դավիթ Իշխանյանն իր հերթին միջնորդել է որպես վկա ներգրավել ռուս խաղաղապահների 6 գեներալների՝ գեներալ Մուրադովին, գեներալ Կոսաբոկովին, գեներալ Անաշկինին, գեներալ Վոլկովին, գեներալ Լենցովին և գեներալ Կուլակովին: