Գյումրիի բնակիչ 66-ամյա Մարիետա Բադոյանն ամուսնու հետ ավելի քան 37 տարի ապրում է ժամանակավոր տնակ-կացարանում։ 1988թ․-ի երկրաշարժի հետևանքով ընտանիքը կորցրել է բնակարանը և մինչ օրս սպասում են բնակարան ստանալու իրենց հերթին։
Տիկին Մարիետան վերհիշում է․ երեխաներից փոքրը 1, մեծը՝ 3 տարեկան էր, երբ երկրաշարժը տեղի եղավ․ նրանք իրենց մանկությունն ու երիտասարդությունն անց են կացրել այստեղ՝ ժամանակավոր կացարանում։
Տնակի տարածքը մասնավոր սեփականատիրոջ է պատկանում։ Վերջինս, տարիներ շարունակ օգնում է արդեն տարեց ամուսիններին։ Բայց տնակային պայմանները տարեցտարի ավելի են վատանում, չկան տարրական կենցաղային պայմաններ՝ գազ, ջուր, կոյուղի։
Տարեց ամուսինների միակ ցանկությունն այն է, որ իրենք ևս բնակարանամուտ տոնեն և գոնե մի քանի տարի արժանապատիվ կերպով ապրեն։
Մանրամասն՝ տեսանյութում։
