ԱԺ լիազորությունների ստանձնման նիստում «Հայաստան» խմբակցության պատգամավոր Գեղամ Մանուկյանը վարման կարգով ելույթ ունեցավ՝ խոսելով խմբակցության պատգամավոր Արթուր Սարգսյանի մասին, որը գտնվում է ապօրինի կալանքի տակ, և դատարանը նրա խափանման միջոցը չփոխեց, թեև համաձայն ՍԴ որոշման, պատգամավոր ընտրվելով՝ պետք է նա ազատ արձակվեր։
Գեղամ Մանուկյանը դիմեց նիստը նախագահող, ՔՊ ցուցակով ընտրված Կնյազ Հասանովին․
«Պարոն Հասանով, նախորդ Ազգային ժողովում դուք այստեղ նստած էիք, մեր գործընկեր պատգամավորներից որոշները բանտում էին: Այսօր էլ դուք այստեղ նստած եք, մեր գործընկեր Արթուր Սարգսյանը էլի կալանքի տակ է, քաղաքական հետապնդման տակ է: Նախորդ ազգային ժողովում գլխավոր դատախազը եկավ կեղծ, սուտ հայտարարություններ, սուտ մեղադրանքներ հնչեցրեց Արթուր Սարգսյանի նկատմամբ, և նախորդ ազգային ժողովը տվեց իր համաձայնությունը։ Նոր ազգային ժողով է ձևավորվել, բայց այս քաղաքական իշխանության ենթակա դատական համակարգը, խախտելով սահմանադրությունը, սահմանադրական դատարանի որոշումը, մի քանի օր առաջ թույլ չտվեց, որ Արթուր Սարգսյանը այսօրվա նիստին մասնակցի, ոչ լեգիտիմացնելով հերթական անգամ այս խորհրդարանի աշխատանքը»:
Կնյազ Հասանովը անջատեց Գեղամ Մանուկյանի բարձրախոսը։
Մանրամասն՝ տեսանյութում։
