Սիսիան համայնքի Տոլորս բնակավայրում խմելու ջուր չունեն։ Աշխատանքային օրերին ջուրը մեքենաներով են  բերում, բաժանում ժողովրդին։ Ամբողջ օրվա կտրվածքով գյուղը ջուր ստանում է ընդամենը 4 ժամ։

Յուրաքանչյուր թաղամաս էլ ամենաշատը 10֊15 րոպե է ջուր ունենում։ Բազմազավակ մայրերն արցունքն աչքերին են խնդիրը բարձրացնում։ Կենսական նշանակություն ունեցող հարցերը չեն կարողանում լուծել։  Ոռոգման ջրի խնդիրն էլ տնտեսությանն է մեծ վնաս  հասցրել։

Բնակիչները վրդովված բողոքում են, վարչական ղեկավարը վստահեցնում է, որ շուտով բոլոր հարցերը լուծում կստանան, բարեգործական ընկերությունները գործնական քայլերի են անցել, բայց փաստ այն է, որ հարցի լուծման ավարտը չի երևում։

Մանրամասն՝ տեսանյութում։