Թբիլիսիում տեղի ունեցած Ադրբեջանի նախագահի և Վրաստանի նախագահ Միխեիլ Կավելաշվիլիի հանդիպմանն անդրադարձ է կատարվել նաև հայ-ադրբեջանական հարաբերություններին: Այս մասին գրում են ադրբեջանական ԶԼՄ-ները:
«Շեշտվել է Ադրբեջանի և Հայաստանի միջև հարաբերությունների կարգավորման գործընթացի դերը Հարավային Կովկասում կայունության և անվտանգության ապահովման տեսանկյունից»,- գրված է հաղորդագրության մեջ:
Հանդիպման ընթացքում Ադրբեջանի և Վրաստանի նախագահները գոհունակություն են հայտնել միջազգային կազմակերպությունների շրջանակներում երկու երկրների համագործակցությունից, մտքեր են փոխանակվել հարաբերությունների հեռանկարների և տարածաշրջանային հարցերի շուրջ:
