«Սպառնալիք է աղքատության անախադեպ բարձր մակարդակը։ Հայաստանում կա բացարձակ աղքատութուն և թաքնված։ Խոսքը աշխատողների մասին է, որոնք չեն վաստակում այնքան, որքան անհրաժեշտ է իրենց գոյությունը պահելու համար»,- մամուլի ասուլիսում ասաց «Այլընտրանք» հետազոտական կենտրոնի ղեկավար, տնտեսագետ Թաթուլ Մանասերյանը։
«Մյուս սպառնալիքն այն է, որ բարձրացել է ազգային արժույթի փոխարժեքը․ երեք տարի է, որ աճել և մնացել է նույն կետի վրա։ Եթե առաջին տարին՝ 2022-ը, Ուկրաինայում տեղի ունեցած իրադարձությունների հետևանք էր, միանգամից 20 տոկոս բարձրացավ հայկական դրամը ու մնաց, հիմա թե ինչ է կատարվում աշխարհում, ինչ կկատարվի Ուկրաինայում և այլ տեղերում, էական չէ, պահում են։
Ի՞նչ է դա տալիս․ դա թանկացում է, դա աղքատացման ավելացում է, որովհետև գների անկում մենք չենք տեսել։ Տեղի է ունենում գերաղքատացում։ Ոմանք ասում են՝ մենակ Հայաստանում չէ գնաճը։ Իսկ Հայաստանում ինչպե՞ս են դա կառավարում։ Ուզում եմ ընդամենը էդ տկարամիտներին ասել, որ էն երկրներում, որտեղ բարձրանում են գները և եկամուտների նվազեցում է տեղի ունենում գների աճի համեմատ, պետությունն աշխատավարձի ինդեքսացիա է անում եռամսյակը մեկ։ Ե՛վ նվազագույն աշխատվարձի շեմ է բարձրացնում, և՛ մասնավոր հատվածին է ուղերձ հղում, որ մենք չենք կարող թույլ տալ աղքատացում։ Շեշտեմ՝ եռամսյակը մեկ անգամ։ Հայաստանում եռամսյակը մեկ անգան ոչ միայն չեն վերանայում, այլև պետությանը չի էլ հետաքրքրում»,- ասաց տնտեսագետը և հավելեց՝ հերթական սառնալիք է անորոշությունը, որը շատ լուրջ է․ մարդիկ չգիտեն, թե վաղը ինչ է տեղի ունենալու։
Մանրամասն՝ տեսանյութում։
