Իշխանությունները փորձ են անում «Թրամփի ուղի» ծրագիրը ներկայացնել որպես աննախադեպ հաջողություն, պատմական իրադարձություն, Հայաստանի թռիչքաձև տնտեսական աճ ապահովելու հնարավորություն, բայց ես ուզում եմ, որ մենք ավելի խորքից գանք և հասկանանք, թե իրականում սա ինչ պրոեկտ է: Այս մասին Աբովյան քաղաքում քաղաքացիների հետ հանդիպման ընթացքում ասաց ԱԺ «Հայաստան» խմբակցության պատգամավոր Աննա Գրիգորյանը։
«Ընդհանրապես տասնամյակներ շարունակ քննարկվել է Սյունիքով ինչ-որ ճանապարհի հնարավորությունների մասին: Եթե դեռ 2001 թվականին Քի Վեսթում քննարկվում էր Արցախը Լաչինով Հայաստանին միացնելու և Նախիջևանը Ադրբեջանին կապող ճանապարհ, որ էստակադաներով էր լինելու և մեր տարածքային ամբողջականությունը չէր խաթարվելու, ապա այսօր մենք ունենք ընդհանրապես այլ իրականություն: Արցախը հանձնված է, Լաչինը չկա, բայց դեռ շարունակվել են բանակցությունները այս ճանապարհի մասով և նույնիսկ այն տրամաբանությամբ չի, որ մենք կարողանանք հասկանանք մենք ամբողջությամբ վերահսկողություն ունենալու ենք այդ ճանապարհի վրա, թե չենք ունենալու: Չոր հաշվարկով, շատ չոր հաշվարկով ստացվում է, որ Ադրբեջանը ստացել է անխոչընդոտ ճանապարհ, իր հիմնական ցանկությունը, որպեսզի թյուրքական աշխարհը կարողանա անխոչընդոտ միմյանց հետ կապ ունենա: Եվ այսօր Ադրբեջանի հիմնական պահանջը, որ Հայաստանի Հանրապետությունում հայի անուն, ազգանունով, դեմքով մարդ չպետք է հանդիպի, իրականություն է դարձել»,- ասաց նա:
Մանրամասն՝ տեսանյութում։
