Աբբաս Արաղչին կհանդիպի ՌԴ նախագահի հետ: Այս մասին գրում է ParsToday-ը հաղորդելով, որ Իրանի դեսպանը Ռուսաստանում հայտնել է, որ այցը կկայանա երկուշաբթի։

«Ռուսաստան այցի ընթացքում Իրանի ԱԳ նախարարը կհանդիպի Ռուսաստանի նախագահ Վլադիմիր Պուտինի հետ։

Մոսկվա կատարած այցի շրջանակում Արաղչին նաև խորհրդակցություններ կանցկացնի ռուսաստանյան պաշտոնյաների հետ՝ բանակցությունների շուրջ վերջին իրավիճակի, հրադադարի ռեժիմի, ինչպես նաև հարակից զարգացումների վերաբերյալ։

Նա ռուսական իշխանություններին կներկայացնի այս բանակցությունների ընթացքի մասին զեկույց»։