ԱԱԾ շենքի դարպասների ուղղությամբ «Մոլոտովի կոկտեյլ» հիշեցնող այրվող առարկա նետած տղամարդու նկատմամբ խափանման միջոց դեռևս խափանման միջոց չի ընտրվել, ըստ ամենայնի, կալանավորման միջնորդություն է ներկայացվել դատարան, որի վերաբերյալ որոշում դեռևս չի կայացվել։ ՀՀ քննչական կոմիտեի մամուլի քարտուղար Կիմա Ավդալյանը «yerevan.today»-ի հետ զրույցում հայտնեց, որ քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 308-րդ հոդվածի 1-ին մասով (ահաբեկչությունը):
Հիշեցնենք, որ մարտի 6-ին համացանցում տեսանյութ է տարածվել, որտեղ երևում է, թե ինչպես է մի տղամարդ Մոլոտովի կոկտեյլ նետում ԱԱԾ շենքի ուղղությամբ։ Ժամեր անց տղամարդը ձերբակալվել և ներկայացվել է նախաքննական մարմնին։ Իրավապահները նրա գործողությունները որակել են որպես ահաբեկչություն։
