«Եկել ենք Եվրամիության դեսպանատան դիմաց, որովհետև կարծում ենք, որ այն լռությունը, որը կա այսօր, որևէ հիմնավորում չունի։ Մենք առաջարկում ենք Եվրամիությանը բարձրաձայնել այն ամենի մասին, ինչ տեղի է ունենում Հայաստանում, խոսել ժողովրդավարության փաստացի մահվան մասին։
Հերթական անգամ ականատես ենք լինում մի իրավիճակի, երբ ընդդիմադիր գործիչը մահանում է կալանավայրում։ Իհարկե, համապատասխան իրավական գործընթացներից հետո մանրամասներին կծանոթանանք, բայց առաջին և ամենակարևոր հարցը պետք է լինի՝ ինչո՞ւ էր նա այնտեղ։
Արսեն Գևորգյանը՝ մեր գործընկերը, մեր ընկերը, կալանավայրում էր, որովհետև ընդդիմադիր քաղաքական հայացքներ ուներ և Ստեփանավանում ընդդիմադիր քաղաքական ուժի ներկայացուցիչ էր։
Հետևաբար, մեր հիմնական պահանջն այն է, որ ընդդիմադիր լինելը չպետք է քրեորեն պատժելի լինի։ Փաստացի, այսօր Հայաստանում ստեղծվել է մի իրավիճակ, երբ ընդդիմադիր լինելը դարձել է քրեորեն պատժելի»,- այս մասին այսօր՝ նոյեմբերի 11-ին, Հայաստանում ԵՄ գրասենյակի դիմաց լրագրողների հետ զրույցում ասաց ԱԺ «Ուժեղ Հայաստան» խմբակցության պատգամավոր Արեգա Հովսեփյանը։
Մանրամասն՝ տեսանյութում։
