Քննչական կոմիտեի քննիչները վաղ առավոտից խուզարկություններ են իրականացնում «Ուժեղ Հայաստան» կուսակցության առաջնորդ Սամվել Կարապետյանի և «Ուժեղ Հայաստան» խմբակցության ղեկավար Նարեկ Կարապետյանի տներում, ինչպես նաև՝ Կարապետյան ընտանիքի հետ կապվող այլ հասցեներում։
«Փաշինյանին համոզելու պրոցեսն է, որ ընդդիմադիրներին հիմա ինքը համոզում է, մեզ հիմա համոզում են։ Ես ձեզ ասեմ՝ տասնյակ մարդկանց, հարյուրավոր մարդկանց կփորձեն կալանավորել, էլի նույն պրոցեսը կանցնենք։ Ժողովուրդը թող իմանա, որ, ժողովուրդ ջան, մեր ընդհանուր բոլորիս համար, կարելի է ասել՝ բոլորիդ համար է սա, ինչ արվում է։
Այնպես չէ, որ այս ամեն ինչը, ինչին մենք առերեսվում ենք, դա մեր ժողովրդի համար չէ․ մենք այն մարդիկ ենք, ովքեր պատ են կանգնած, որ կարողանան անցկացնել Ալիևի սահմանադրությունը։ Ալիևը կարո՞ղ է լավ բան առաջարկել հայերի համար։ Պարզ է, այնպիսի սահմանադրություն է դեմ տալու, որ թուլանանք մենք։ Մենք ենք դրա պատը, մենք ենք կրում այս ամբողջ ազդեցությունները ու ձեզ համար ենք կրում»,- լրագրողների հետ զրույցում ասաց «Ուժեղ Հայաստան» խմբակցության ղեկավար Նարեկ Կարապետյանը։
Մանրամասն՝ տեսանյութում։
