Իրանի հոգևոր առաջնորդի «առանց աշխարհագրական սահմանափակման» պատասխան հարվածներ հասցնելու հրահանգն, ամենայն հավանականությամբ, վերաբերելի է նաև արհեստածին Ադրբեջանին։ Այս մասին գրել է իրանագետ Վարդան Ոսկանյանը։
«Այսօր այդ երկրի հետ սահմանին իրանական հրթիռների տեղակայման լուրերից հետո, իրանական տելեգրամյան ալիքներն Բաքվի բարբարոսական վարչախմբի բաշիբոզուկների դիտարկման կադրեր են հրապարակել՝ «առանց աշխարհագրական սահմանափակումների» վերտառությամբ, որոնցում երևում է բռնազավթված Արցախի հարավի Խուդափերինի կամրջի հատվածը, ռազմական բեռնատարի շարժ և «Կեցցե Ադրբեջանը» գրություն։
Սա, ըստ էության, մեկ օրվա ընթացքում Բաքվի բարբարոսական վարչախմբին տեղեկատվական-քարոզչական հարվածն է»,-գրել է նա։
