Թուրքիայի նախագահ Ռեջեփ Թայիփ Էրդողանը Անկարայում կայացած Թյուրքական պետությունների կազմակերպության (ԹՊԿ) գագաթնաժողովում կոչ է արել թյուրքական պետություններին տարածաշրջանը վերածել առևտրի, տրանսպորտի և էներգետիկայի խոշոր կենտրոնի։ Հայտնում է Անադոլու լրատվականը։
Էրդողանի խոսքով՝ Միջին միջանցքը կարող է որոշիչ դեր ունենալ համաշխարհային առևտրի ապագայի հարցում։ «Թյուրքական աշխարհում պառակտման և տարաձայնությունների տեղ չկա»,- ընդգծել է Թուրքիայի նախագահը։
Էրդողանը նաև կոչ է արել Իրանի հետ հարաբերություններում առկա լարվածությունը կարգավորել դիվանագիտական ճանապարհով՝ զենքի ուժի փոխարեն։ Նա կարևորել է նաև Գազա մարդասիրական օգնության մատակարարումն ակտիվացնելու և վերականգնման աշխատանքները սկսելու ջանքերը։
