«Ուժեղ Հայաստան» կուսակցության ներկայացուցիչ Գոհար Մելոյանը հոկտեմբերի 25-ին՝ տեղական ինքնակառավարման մարմինների ընտրությունների քվեարկության օրը, լրագրողներին հայտնեց Ստեփանավանում և Հայաստանի այլ համայնքներում անցկացվող տեղական ընտրությունների ընթացքում արձանագրված բազմաթիվ խախտումների մասին։
Ըստ նրա, իշխող «Քաղաքացիական պայմանագիր» կուսակցության ներկայացուցիչները ուղղորդում էին ընտրողներին, տեղամասերի մոտ հավաքվում էին մարդկանց խմբեր, իսկ որոշ վայրերում անջատվում էին տեսահսկման տեսախցիկները։
«Մասնավորապես, «Քաղաքացիական պայմանագրի» վստահված անձն իմ աչքի առաջ ուղղորդում էր ընտրողներին, մարդկանց բերում էին ու տանում։ Այնուհետև տեսախցիկը անհայտ պատճառներով շարքից դուրս եկավ», — պատմեց Մելոյանը։
Մանրամասն՝ տեսանյութում։
