«Դատախազության գործելաոճը չի փոխվում։ Ինչպես եղել են, ինչքան հասկանում եմ, այդպես էլ շարունակում են գործել՝ որպես կամակատարներ։ Այսօրվա դատավարությունը ամբողջ Նիկոլ Փաշինյանի՝ մեկ անձի հրամանի շարունակությունն է, կարող ենք ասել, որովհետև Հայաստանի Հանրապետությունում այլևս չի գործում իրավաբանությունը, Հայաստանի Հանրապետությունում այլևս չի գործում արդարությունն ու արդարադատությունը։

Ինչո՞ւ եմ ասում։ Որովհետև երբ Ազգային ժողովի բարձր ամբիոնից երկրի վարչապետը, երբ ֆեյսբուքյան հարթակով նույն անձը կամ հեռուստատեսությամբ հստակ ազդակ է ուղարկում ձերբակալման ու կալանավորման մասին, ու հաջորդ օրը դա լինում է, հետո Ազգային ժողովի նույն ամբիոնից իրենք փորձում են խեղաթյուրել այդ տեղեկատվությունը՝ նշելով, որ դա երկար պրոցես է, մեկ օրվա մեջ չի կարող լինել և այլն, և այլն, բոլորս էլ հասկանում ենք, հայ ազգն ու հայ ժողովուրդն էլ հասկանում են, որ սա ընդամենը հրաման է, ու սա վրեժխնդրություն է»,- այս մասին այսօր՝ հոկտեմբերի 22-ին, հայտարարեց ԱԺ «Ուժեղ Հայաստան» խմբակցության պատգամավոր Ռուբեն Մխիթարյանը։

Մանրամասն՝ տեսանյութում։