Ավելի քան 100 կոնգրեսական Ռուբիոյին կոչ է արել դադարեցնել Ադրբեջանին ԱՄՆ ռազմական օգնության տրամադրումը

8 Հոկտեմբերի, 2026

ԱՄՆ Կոնգրեսի ավելի քան 100 անդամ՝ 26 սենատոր և 75 ներկայացուցիչ, կոչ են արել ԱՄՆ պետքարտուղար Մարկո Ռուբիոյին դադարեցնել Ադրբեջանին ամերիկյան ռազմական օգնության տրամադրումը։

Կոնգրեսականների երկկուսակցական և երկպալատ նամակը նախաձեռնվել է սենատորներ Գարի Փիթերսի և Ադամ Շիֆի, ինչպես նաև ներկայացուցիչներ Գաս Բիլիրակիսի և Ֆրենկ Փալոնիի կողմից։ Նամակին միացել է նաև Սենատի դեմոկրատական առաջնորդ Չաք Շումերը։

Կոնգրեսականները Ռուբիոյին ուղղված հոկտեմբերի 5-ի նամակում անդրադարձել են Ադրբեջանում պահվող հայ բանտարկյալների դատապարտմանը, հայկական մշակութային ժառանգության ոչնչացմանը և Հայաստանի ինքնիշխան տարածքում ադրբեջանական զինված ուժերի ներկայությանը։

Նրանք նշել են, որ ԱՄՆ վարչակազմի կողմից «Ազատության աջակցության մասին» օրենքի 907-րդ բաժնի սահմանափակումների գործողությունից հրաժարվելը չի հանգեցրել Ադրբեջանից հայ գերիների ազատ արձակմանը։

«Ակնհայտ է, որ 907-րդ բաժնի գործողությունից հրաժարվելու որոշումը չի խթանել Ադրբեջանին՝ քայլեր ձեռնարկելու ռազմագերիների ազատ արձակման ուղղությամբ»,— ասվում է նամակում։

Կոնգրեսականների գնահատմամբ՝ Ադրբեջանի վարքագիծը կարող է վտանգել տարածաշրջանում արդար և երկարաժամկետ խաղաղության հեռանկարը, իսկ 907-րդ բաժնի սահմանափակումների շարունակական շրջանցումը կարող է խրախուսել ապակայունացնող գործողությունները։

Նամակում անդրադարձ է կատարվել նաև Լեռնային Ղարաբաղում հայկական եկեղեցիների ոչնչացմանը։ Կոնգրեսականները, մասնավորապես, նշել են Ստեփանակերտում երկու տաճարների՝ 2026 թվականի ապրիլին ենթադրյալ քանդման մասին հաղորդումները։

Նրանք նաև նշել են, որ Ադրբեջանի զինված ուժերը շարունակում են մնալ Հայաստանի միջազգայնորեն ճանաչված տարածքի որոշ հատվածներում՝ 2021 և 2022 թվականների ներխուժումներից հետո։

Կոնգրեսականները կոչ են արել ԱՄՆ վարչակազմին չտրամադրել Ադրբեջանին ռազմական օգնություն, քանի դեռ Բաքուն չի ձեռնարկել էական քայլեր՝ հայ բանտարկյալների ազատ արձակման, հայկական մշակութային ժառանգության պաշտպանության և Հայաստանի ինքնիշխան տարածքից իր ուժերի դուրսբերման ուղղությամբ։

«Ազատության աջակցության մասին» օրենքի 907-րդ բաժինը սահմանափակում է Ադրբեջանին ԱՄՆ-ի օգնության տրամադրումը, քանի դեռ վերջինս չի ձեռնարկել գործնական քայլեր՝ Հայաստանի և Լեռնային Ղարաբաղի դեմ շրջափակումներն ու ուժի կիրառման այլ գործողությունները դադարեցնելու ուղղությամբ։

Նմանատիպ նյութեր

Ադրբեջանն օկուպացրել է Ջերմուկի ջրաբանական արգելավայրի 37 %-ը. «Հետք»

Ադրբեջանն օկուպացրել է Ջերմուկի ջրաբանական արգելավայրի 37 %-ը. «Հետք»

2020 թ. 44-օրյա պատերազմից մինչ օրս Ադրբեջանը փուլ առ փուլ շուրջ 200 քկմ է օկուպացրել ՀՀ սուվերեն տարածքից: Անօրինական ներխուժումները և զավթումները կատարվել են հատկապես 2021-2023 թթ.: Այդ մասին գրում է «Հետք» պարբերականը։ «Այդ ընթացքում Ադրբեջանը շարունակական...

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Սիրուն չի, Տիկին Գալյան, նաև՝ ազնիվ չէ. մեր ուշադրության կենտրոնում նաև ՔԿՀ-ներում տառապnղ մեր հարյուրավոր քաղաքացիներն են, գրել է ԱԺ «Հայաստան» խմբակցության պատգամավոր Լիլիթ Գալստյանը։ «Աչքովս ընկավ Սրբուհի Գալյանի Հ1-տաղավարում զրույցը, ուր Արդարադատության նախարարը...

Շղթայական վթար Երևանյան լճի մոտ. կա 1 զոհ, 3 վիրավոր

Շղթայական վթար Երևանյան լճի մոտ. կա 1 զոհ, 3 վիրավոր

Այսօր՝ նոյեմբերի 22-ին, խոշոր ու ողբերգական ավտովթար է տեղի ունեցել Երևանում։ Ժամը 17։00-ի սահմաններում Բագրատունյաց պողոտայում՝ թիվ 2/1 հասեցի դիմաց՝ Երևանյան լճի հարևանությամբ, բախվել են  2 «Mercedes», «Nissan Tiida», «Kia Forte» և «ՎԱԶ 2107» մակնիշի ավտոմեքենաները։...

Վարդենիսի, Մարտունիի, Աշոցքի տարածաշրջաններում ձյուն է տեղում

Վարդենիսի, Մարտունիի, Աշոցքի տարածաշրջաններում ձյուն է տեղում

Նոյեմբերի 22-ին՝ ժամը 17։30-ի դրությամբ, Վարդենիսի, Մարտունիի, Աշոցքի տարածաշրջաններում ձյուն է տեղում, իսկ Սևանի, Գավառի տարածաշրջաններում՝ ձնախառն անձրև։ Միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին...

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդ Բասիլիոս Մար Թոմա Մատթեոս III-ը զորակցություն է հայտնել Ամենայն հայոց կաթողիկոս Գարեգին Բ-ին և Հայ առաքելական եկեղեցու հոգևորականներին։ Այս մասին հայտնում է Մոսկվայի հայկական եկեղեցին։ «Մեզ միավորում են նույն հավատքը և...