Փաշինյանն այժմ ստիպված է անձամբ ստանձնել ադրբեջանցու «պաշտպանությունը»․ Գառնիկ Դանիելյան

7 Հոկտեմբերի, 2026

ՀՅԴ Հայաստանի ԳՄ անդամ, ՀՅԴ Տավուշի Մարզային կոմիտեի ներկայացուցիչ, նախկին պատգամավոր Գառնիկ Դանիելյանը գրում է․

«Վարչապետի աթոռը զբաղեցնողը և նրա կուսակիցները լծվել են Սյունիքի Շաքի գյուղ ներխուժած, հայ կնոջը հրազենային վիրավորում հասցրած և վերջինիս երեխաներին վնասվածքներ պատճառած ադրբեջանցի զինծառայողի գործողությունները արդարացնող վարկածներ շրջանառելուն։

Երեկ նախ Ազգային ժողովում տեղի ունեցած միջադեպով փորձ արվեց հանրային ուշադրությունը շեղել այս արտառոց դեպքից։

Այնուհետև Փաշինյանը հարցազրույցում հնչեցրեց մի վարկած, որը բազմաթիվ հարցեր է առաջացնում․ ըստ նրա՝ հնարավոր է, որ ադրբեջանցի զինծառայողը պարզապես մոլորվել է և ոչ թե նպատակային ներթափանցել Հայաստանի տարածք։

Օրերս գործընկեր Քրիստինե Վարդանյանի հետ ուղևորվեցինք Շաքի՝ տեղում ծանոթանալու դեպքի մանրամասներին։ Ինչպես գյուղի բնակիչները, այնպես էլ ողջ հանրությունն ունեն մի շարք անպատասխան հարցեր։

Ինչպե՞ս է ադրբեջանցի զինծառայողը անարգել հատել Հայաստանի պետական սահմանը։

Որքա՞ն ժամանակ է զինված ադրբեջանցին գտնվել ՀՀ տարածքում։

Ինչպե՞ս է հասել գյուղ և հայտնվել բնակիչներից մեկի տանը։

Ինչո՞ւ չեն ձեռնարկվել համապատասխան միջոցառումներ զինծառայողին հնարավորինս շուտ հայտնաբերելու ուղղությամբ։

Եթե նման միջոցառումներ ձեռնարկվել են, ապա ինչո՞ւ որևէ արդյունք չի արձանագրվել։

Չհամարձակվեք այս բարձիթողի իրավիճակը կոծկել ընդամենը մեկ պաշտոնյայի աշխատանքից ազատելով։

Ակնհայտ է, որ իշխանությունները փորձում են հնարավորինս մեղմացնել տեղի ունեցած ահասարսուռ դեպքը, որը կարող էր շատ ավելի ողբերգական հետևանքներ ունենալ։

Հանրային արձագանքը տապալեց իշխանության պլանները, և Փաշինյանն այժմ ստիպված է անձամբ ստանձնել ադրբեջանցու «պաշտպանությունը»:

Ցավոք, զարմանալի չէր նաև, որ Փաշինյանը բացառեց ադրբեջանցի զինծառայողին Բաքվում պահվող հայ գերիների հետ փոխանակելու մեր առաջարկը։

Մինչդեռ, ազգային ու պետականամետ իշխանությունը կօգտագործեր յուրաքանչյուր հնարավորություն՝ մեր պատանդառված հայրենակիցների վերադարձն ապահովելու համար։

Ահա՛ այս իշխանությունների բերած «խաղաղությունը»։ Սրանք չեն կարողանում ապահովել անգամ ոչ սահմանամերձ գյուղի բնակիչների անվտանգությունը»։

Նմանատիպ նյութեր

Ադրբեջանն օկուպացրել է Ջերմուկի ջրաբանական արգելավայրի 37 %-ը. «Հետք»

Ադրբեջանն օկուպացրել է Ջերմուկի ջրաբանական արգելավայրի 37 %-ը. «Հետք»

2020 թ. 44-օրյա պատերազմից մինչ օրս Ադրբեջանը փուլ առ փուլ շուրջ 200 քկմ է օկուպացրել ՀՀ սուվերեն տարածքից: Անօրինական ներխուժումները և զավթումները կատարվել են հատկապես 2021-2023 թթ.: Այդ մասին գրում է «Հետք» պարբերականը։ «Այդ ընթացքում Ադրբեջանը շարունակական...

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Սիրուն չի, Տիկին Գալյան, նաև՝ ազնիվ չէ. մեր ուշադրության կենտրոնում նաև ՔԿՀ-ներում տառապnղ մեր հարյուրավոր քաղաքացիներն են, գրել է ԱԺ «Հայաստան» խմբակցության պատգամավոր Լիլիթ Գալստյանը։ «Աչքովս ընկավ Սրբուհի Գալյանի Հ1-տաղավարում զրույցը, ուր Արդարադատության նախարարը...

Շղթայական վթար Երևանյան լճի մոտ. կա 1 զոհ, 3 վիրավոր

Շղթայական վթար Երևանյան լճի մոտ. կա 1 զոհ, 3 վիրավոր

Այսօր՝ նոյեմբերի 22-ին, խոշոր ու ողբերգական ավտովթար է տեղի ունեցել Երևանում։ Ժամը 17։00-ի սահմաններում Բագրատունյաց պողոտայում՝ թիվ 2/1 հասեցի դիմաց՝ Երևանյան լճի հարևանությամբ, բախվել են  2 «Mercedes», «Nissan Tiida», «Kia Forte» և «ՎԱԶ 2107» մակնիշի ավտոմեքենաները։...

Վարդենիսի, Մարտունիի, Աշոցքի տարածաշրջաններում ձյուն է տեղում

Վարդենիսի, Մարտունիի, Աշոցքի տարածաշրջաններում ձյուն է տեղում

Նոյեմբերի 22-ին՝ ժամը 17։30-ի դրությամբ, Վարդենիսի, Մարտունիի, Աշոցքի տարածաշրջաններում ձյուն է տեղում, իսկ Սևանի, Գավառի տարածաշրջաններում՝ ձնախառն անձրև։ Միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին...

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդ Բասիլիոս Մար Թոմա Մատթեոս III-ը զորակցություն է հայտնել Ամենայն հայոց կաթողիկոս Գարեգին Բ-ին և Հայ առաքելական եկեղեցու հոգևորականներին։ Այս մասին հայտնում է Մոսկվայի հայկական եկեղեցին։ «Մեզ միավորում են նույն հավատքը և...