«Ինչպես ցանկացած ավտորիտար պետությունում քաղաքական հետապնդումների դեպքում, նախ և առաջ պետք է դրա մասին շատ խոսել, պետք է օգտագործել իրավական գործընթացները երկրի ներսում և դրսում և, որ ամենակարևորն է, ինչը որ գործում է ավտորիտար համակարգերում կամ բռնապետական համակարգերում, քանի որ գործ չունենք իրավունքի գերակայության հետ, հնարավորինս թանկացնել ապօրինությունների գինը իշխանությունների համար։
Առաջնահերթ՝ հատկապես իրավապաշտպանների, լրագրողների կամ հասարակական, հանրային գործիչների տեսանկյունից, դրա մասին խոսելն է, դրա մասին մատնացույց անելն է։
Եվ եթե մենք այսօր ունենք, ինչքան նշեցիք, 54 տոկոս, մենք հաջորդ հարցմանը կտեսնենք, որ այդ թիվը շատ ավելի մեծ է լինելու, և հասարակության իրազեկվածությունը ավելի բարձրանալու է։
Բնականաբար, զուտ իրավական առումով մենք հնարավորություն չունենք ֆիզիկական հարկադրանքով հարցերը լուծել։ Երբ որ պետությունը բռնում է, երբ որ իշխանությունը բռնում է ավտորիտար զարգացման ճանապարհը, դրա դեմ իրավական գործիքները միշտ չէ, որ ամբողջ ծավալով արդյունավետ աշխատում են։
Բայց նույնիսկ Հայաստանի պարագայում Նիկոլ Փաշինյանը չունի այն ռեսուրսները, որ իրեն թույլ տան Ալիևի նման բռնապետի վերածվել։ Իր ռեսուրսները սահմանափակ են, և մենք էլ պատրաստվում ենք օգտվել նրա այդ թուլությունից»,- այս մասին հրավիրված ասուլիսում ասաց փաստաբան Հովհաննես Խուդոյան։
Մանրամասն՝ տեսանյութում։
