ՀԷՑ-ի բաժնետոմսերի նկատմամբ հանրության գերակա շահ ճանաչելու հարցով երկրորդ լսումն ավարտվել է մոտ 10 րոպեում․ «Ժողովուրդ»

29 Սեպտեմբերի, 2026

«Ժողովուրդ» օրաթերթը գրում է. «Սեպտեմբերի 28-ին տեղի է ունեցել «Հայաստանի էլեկտրական ցանցեր» ՓԲԸ-ի 100 տոկոս բաժնետոմսերի նկատմամբ հանրության գերակա շահ ճանաչելու մասին ՀՀ կառավարության որոշման նախագծի երկրորդ հանրային լսումը։

«Ժողովուրդ» օրաթերթի տեղեկություններով՝ երեկվա լսումը ևս երկար չի տևել՝ մոտավորապես 10 րոպե։ Մեր աղբյուրների փոխանցմամբ՝ ՀԷՑ-ի ժամանակավոր կառավարման շրջանակում սեփականատերերի կողմին, այդ թվում՝ Սամվել Կարապետյանին պատկանող ընկերությունների ներկայացուցիչներին, պատշաճ իրազեկում է իրականացվել՝ լսմանը մասնակցելու համար։

Սակայն, ըստ մեր տեղեկությունների, Սամվել Կարապետյանի կողմի որևէ ներկայացուցիչ չի ներկայացել և չի մասնակցել քննարկմանը։ Արդյունքում, շուրջ 10 րոպե արձանագրումներից հետո, լսումն արագ ավարտվել է։

Պաշտոնական հաղորդագրություններում ևս նշվում է, որ լսմանը մասնակցել են ՀԷՑ-ի ժամանակավոր կառավարիչ Ռոմանոս Պետրոսյանը, ՀԾԿՀ անդամ Սերգեյ Աղինյանը, էներգետիկ համակարգի ընկերությունների ներկայացուցիչներ, քաղաքացիներ։

Ավելին՝ «Ժողովուրդ» օրաթերթի տեղեկություններով՝ Ռոմանոս Պետրոսյանը վերջին շրջանում բազմիցս հայտարարել է, որ սեփականատերերի կողմին համապատասխան ծանուցումներ են ուղարկվում, սակայն վերջիններս չեն ներկայանում հանրային լսումներին։

Հիշեցնենք՝ ՀԷՑ-ի 100 տոկոս բաժնետոմսերի նկատմամբ հանրության գերակա շահ ճանաչելու կառավարության նախագիծը նախատեսում է, որ բաժնետոմսերի ձեռք բերողը կլինի Հայաստանի Հանրապետությունը, որի անունից հանդես կգա Տարածքային կառավարման և ենթակառուցվածքների նախարարը։ Նախագծում որպես հիմնավորում նշվում է էլեկտրաէներգիայի բաշխիչ ցանցերի ռազմավարական նշանակությունը, ինչպես նաև այն հանգամանքը, որ ընկերության սեփականատերերը մերժել են կառավարության ներկայացրած գնառաջարկը։

Այսպիսով, իշխանությունը ՀԷՑ-ի նկատմամբ հանրության գերակա շահ ճանաչելու և հետագայում ընկերության բաժնետոմսերի օտարման գործընթացն առաջ է տանում՝ այն ներկայացնելով որպես պետության կողմից ռազմավարական ենթակառուցվածքի նկատմամբ վերահսկողություն սահմանելու անհրաժեշտություն։

Ինքը՝ Սամվել Կարապետյանը, սեպտեմբերի 11-ին հայտարարել էր, որ «ՀԷՑ-ը չի վաճառվում»։

Միաժամանակ, երեկվա լսումից հետո Ռոմանոս Պետրոսյանը հայտարարել է, որ ՀԷՑ-ի բաժնետոմսերի 100 տոկոսը մինչ օրս գրավադրված է միջազգային խոշոր բանկերում ունեցած պարտավորությունների դիմաց։ Նրա խոսքով՝ ժամանակավոր կառավարման ստանձնման պահին ընկերությունն ունեցել է ավելի քան 400 մլն դոլարի ֆինանսական պարտավորություններ, այդ թվում՝ ավելի քան 120 մլն դոլար միջազգային խոշոր բանկերում։

Ըստ կառավարության ներկայացրած ընթացակարգի՝ հանրային լսումներից հետո նախագիծը պետք է անցնի պետական և իրավական փորձաքննություն, ապա ներկայացվի վարչապետի աշխատակազմ։ Դրանից հետո հանրության գերակա շահի ապահովման նպատակով նախատեսվում է սկսել բաժնետոմսերի օտարման գործընթաց, որի շրջանակում պետք է իրականացվի դրանց շուկայական արժեքի գնահատում և օրենքով սահմանված կարգով փոխհատուցում տրամադրվի սեփականատերերին։

Սակայն հարցը շարունակում է մնալ քաղաքական և իրավական գործընթացի կենտրոնում․ մի կողմից՝ իշխանությունը հայտարարում է, որ ՀԷՑ-ի պետականացման իրավական ձևակերպումն առաջ է գնում, մյուս կողմից՝ ընկերության սեփականատերը հրապարակային կերպով շարունակում է պնդել, որ ՀԷՑ-ը չի վաճառվում»։

Մանրամասները՝ «Ժողովուրդ» օրաթերթի այսօրվա համարում։

Նմանատիպ նյութեր

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդ Բասիլիոս Մար Թոմա Մատթեոս III-ը զորակցություն է հայտնել Ամենայն հայոց կաթողիկոս Գարեգին Բ-ին և Հայ առաքելական եկեղեցու հոգևորականներին։ Այս մասին հայտնում է Մոսկվայի հայկական եկեղեցին։ «Մեզ միավորում են նույն հավատքը և...

ՌԴ քաղաքացուն ու նրա ընտանիքի 6 անդամներին «Nissan»-ում բռնկված հրդեհից փրկել են

ՌԴ քաղաքացուն ու նրա ընտանիքի 6 անդամներին «Nissan»-ում բռնկված հրդեհից փրկել են

Այսօր՝ նոյեմբերի 22-ին, արտակարգ դեպք է տեղի ունեցել Արագածոտնի մարզում։ Ժամը 12:00-ի սահմաններում Երևան-Գյումրի ավտոճանապարհի 82 կմ հատվածում՝ Թալինի վարչական տարածքում, հրդեհ է բռնկվել դեպի Բավրա ընթացող «Nissan» մակնիշի ավտոմեքենայում։ «Վարորդին և 6 ուղևորներին...

Գեղարքունիքում և Լոռիում քամու հետևանքով ծառեր են տապալվել

Գեղարքունիքում և Լոռիում քամու հետևանքով ծառեր են տապալվել

Նոյեմբերի 21-ին Գեղարքունիքի և Լոռու մարզային օպերատիվ կառավարման կենտրոններ ահազանգեր են ստացվել ուժեղ քամու հետևանքով մի շարք հասցեներում տապալված և տապալման վտանգ ներկայացնող ծառերի, վնասված տանիքների, արևային վահանակների և դրանց մետաղական կառուցատարրերի...

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից։ Այս մասին գրել է «Ուժեղ Հայաստան» խմբակցության ղեկավար Նարեկ Կարապետյանը՝ մեջբերելով՝ Սրբ Պաիսիոս Աթոսցու...

Հրաչյա Քոչարի փողոցում բախվել են «Zeekr»-ը, «Mercedes»-ը և «Volkswagen»-ը. կան վիրավnրներ

Հրաչյա Քոչարի փողոցում բախվել են «Zeekr»-ը, «Mercedes»-ը և «Volkswagen»-ը. կան վիրավnրներ

Երեկ՝ նոյեմբերի 21-ին, ավտովթար է տեղի ունեցել Երևանում։ Ժամը 15:00-ի սահմաններում Արաբկիր վարչական շրջանի Հրաչյա Քոչարի փողոցում բախվել են «Zeekr», «Mercedes» և «Volkswagen» մակնիշի ավտոմեքենաները։ Shamshyan.com-ի տեղեկություններով՝ վթարի հետևանքով 3 հոգի, որոնց...