«Ամսի 19-ին՝ ժամը 1-ն անց 5 րոպեին, սկսվեցին պայթյունները Ստեփանակերտի՝ մայրաքաղաքի վրա։ Մենք ինը ամիս շրջափակված ենք եղել։ Լրիվ փակուղի էր, և այդ շրջափակումը, որը մենք ապրել ենք ինը ամիս, մեզ չի խեղճացրել։ Մենք հավատացել ենք, որ փրկվելու ենք, որովհետև պայքարել ենք, որովհետև հավատացել ենք, որ միջազգային իրավունքը, ապրելու, անկախության մեր իրավունքները մեզ համար փրկություն կլինեն։
Մեր տղաներն առաջնագծում էին, իսկ մենք մեր նկուղներում ձգտել ենք անել ամեն ինչ, որ մնանք Արցախում, պահպանենք հայկական Արցախը»,- այս մասին այսօր՝ սեպտեմբերի 19-ին, լրագրողների հետ զրույցում նշեց Արցախի «Մայրություն» հասարակական կազմակերպության նախագահ Հասմիկ Միքայելյանը։
Մանրամասն՝ տեսանյութում։
