«Նախքան հարցը՝ երեք արձանագրում։
Նախ՝ դուք երբևէ որևէ գրամով դաշնակցական չեք եղել, փոխարենը միշտ եղել եք պոպուլիստ։ Երբ ձեզ պետք է եղել՝ ազգային գաղափարախոսությունից եք խոսել, երբ պետք է եղել՝ հակառակի մասին եք խոսել։ Իզուր ձեզ ու ձեր արարքները մի՛ գաղափարականացրեք։
Երկրորդը՝ որ դուք գալիս եք այստեղ, հեգնում եք մեր փոքրանալը ու դա ներկայացնում եք որպես ձեր հաղթանակ, ես շատ անկեղծ ասում եմ՝ եթե ձեր գործողությունների արդյունքում մենք ավելի փոքրանանք, «Ուժեղ Հայաստանն» էլ փոքրանա, բայց ընդդիմությունը, ինչպես այս ընտրություններում, ավելանա, դա բերելու է ձեր պարտությանը։ Իշխանություն էլ չեք կարողանալու ձևավորել։ Այնպես որ, դա մեր հաղթանակն է լինելու։ Երանի ձեր ասածով լինի։
Եվ երրորդը՝ 100 տոկոսով համաձայն եմ ձեզ հետ, երբ ասում եք, որ Հայաստանի համար սպառնալիք է, երբ տնտեսության մի կարևոր ճյուղ, օրինակ, 90 տոկոսով կախված է որևէ մեկ պետությունից։
Իրավիճակի հեգնանքը գիտե՞ք՝ ուղղակի որն է։ Որ ձեր կառավարման արդյունքում ու հետևանքով է մեծացել այդ կախվածությունը։
Ու երկրորդը՝ եթե դա վերաբերում է տնտեսության մի ճյուղի, բա ինչքա՞ն է վերաբերում խաղաղությանը։ Բա մենք էլ ենք դա ասում։ Ո՞նց կարող է խաղաղությունը կախված լինել մեկ մարդու կամքից։ Բա դա սպառնալիք չէ՞։ Տնտեսության մի ճյուղի՝ մի պետությունից կախված լինելը սպառնալիք է, խաղաղության՝ ամբողջապես մի մարդու կամքից կախված լինելը սպառնալիք չէ՞»,- այս մասին այսօր՝ սեպտեմբերի 16-ին, հայտարարեց ԱԺ «Հայաստան» խմբակցության պատգամավոր Քրիստինե Վարդանյանը՝ դիմելով Նիկոլ Փաշինյանին։
Մանրամասն՝ տեսանյութում։
