«Պարոն Եղոյանը հաստատեց այն պնդումները, որ անում էինք․ երբ Հայաստանի Հանրապետությունը ստեղծվում էր, կար պետականության կերտման երկու մոտեցում՝ հհշական և դաշնակցական: ՀՀՇ-ական մոտեցումն ասում էր․ «Չէ՛, զրոյական էջից ենք սկսում»։ Հռչակագրի մեջ չէին ուզում ավելացնել նույնիսկ Ցեղասպանության խնդիրը, իսկ Առաջին Հանրապետության հետ կապն ընդամենը ժողովրդավարական ավանդույթներն էին։ Եվ կար դաշնակցական մոտեցումը, որ այս ամենը՝ պետական կառուցվածքը, պետք է դնենք ազգային հիմքի վրա:
Եվ ահա, պարոն Եղոյանը ՀՀՇ-ական ծառից ծնված մի պտուղ է, իմաստության պտուղ չեմ կարող ասել, այլ՝ բազմալեզվախոսության, որը չունի նաև տարրական տակտի զգացում՝ մատով է խոսում: ՀՀՇ-ից ծնվեց մեկը, ով իր խոսույթով ոչնչով չի տարբերվում թուրքերից: Ինչպես թուրքերն էին ասում, թե պետք է մնա ընդամենը մի հայ՝ այն էլ թանգարանում, այնպես էլ դուք էիք ասում՝ պետք է մնա մի հոգի, այն էլ՝ վերջինը։
Այնպես որ, կանգնե՛ք հայելու առաջ և փորձե՛ք ձեր ասածների մեջ բանականություն գտնել (ինչը շատ դժվար է), բայց թուրքերի հետ նմանությունը 100-ից 100 է»,- այս մասին ԱԺ իր ելույթում ասաց «Հայաստան» խմբակցության պատգամավոր Արթուր Խաչատրյանը։
Մանրամասն՝ տեսանյութում։
