«Պարտադի՞ր է Հայաստանի վրա հարձակման օրն ամեն տարի փառատոնով կամ վարչաչգիտեմ ինչով նշել։ Այսինքն՝ դա պարտադիր պայման է՞․ ուրիշ օր չկա՞ այդ 365 օրվա մեջ։ Սա՝ ռեմարկի կարգով։
Ես իսկապես այս հարցի քննարկումը, խոշոր հաշվով, իմաստալից չեմ համարում։ Նիկոլ Փաշինյանի կառավարությունն է, ինչ տեքստի վրա ուզում է, թող երդվի։ Ուզում եք՝ ընդհանրապես երդվեք, որ պետք է գործեք միայն հանուն սեփական բարեկեցության, խոշոր հաշվով՝ տարբերություն չի լինի։ Բայց մի քանի մտքի, որ այստեղ հնչեցին, ամեն դեպքում ուզում եմ անդրադառնալ։
Ես ուզում եմ հասկանալ՝ այդ ի՞նչ իրավունքով, ի՞նչ համարձակությամբ, կարելի է ասել՝ նույնիսկ լկտիությամբ, հայտարարում եք, որ Հայաստանի Հանրապետությունն իր մեջ ներառում է «ազգ», «հայրենիք» հասկացությունները։ Ո՞նց է ներառում, մի հատ կբացատրե՞ք։ Տասնյակ անգամներ այստեղից խոսել ենք․ հենց հիմա Հայաստանի Հանրապետությունում ապրում է շուրջ 150 000 արցախահայ։ Իրենք ասում են․ «Իմ հայրենիքն Արցախն է»։ Հայաստանի Հանրապետությունն Արցախը ներառո՞ւմ է»,- այս մասին ԱԺ իր ելույթում ասաց «Հայաստան» խմբակցության պատգամավոր Քրիստինե Վարդանյանը։
Մանրամասն՝ տեսանյութում։
