«Կարծում եմ՝ պատերազմը կավարտվի հենց ընտրություններից հետո, քանի որ նրանք այլևս չեն կարողանա դիմանալ»,- BBC-ի փոխանցմամբ՝ հայտարարել է ԱՄՆ նախագահը։
Բացի այդ, Թրամփը հայտարարել է, որ ընտրություններից անմիջապես հետո նավթի գները կտրուկ կնվազեն։
Տեխաս մեկնելու ճանապարհին, որտեղ անցկացվում էր Հանրապետական կուսակցության պատմության մեջ առաջին համագումարը՝ նվիրված միջանկյալ ընտրություններին, Թրամփը նաև ասել է, որ Իրանը «հուսահատորեն փորձում է ազդել ընտրությունների վրա, որպեսզի իշխանության գա ինչ-որ թույլ մարդկանց խումբ»՝ ակնհայտորեն նկատի ունենալով դեմոկրատներին, «որոնք իրենց հանգիստ կթողնեին և թույլ կտային միջուկային զենք ձեռք բերել»։
Սկզբում Թրամփը կանխատեսում էր, որ արդեն յոթերորդ ամիսը շարունակվող պատերազմը կտևի ընդամենը մի քանի շաբաթ։ Հակամարտությունը և դրա հետևանքները, այդ թվում՝ վառելիքի և սննդամթերքի գների աճը, հանգեցրել են նախագահի վարկանիշի նվազմանը։
ԱՄՆ-ում միջանկյալ ընտրությունները կանցկացվեն նոյեմբերի 3-ին։ Հանրապետականները վտանգում են կորցնել Կոնգրեսի նկատմամբ վերահսկողությունը․ պատմականորեն գործող նախագահի կուսակցությունը միջանկյալ ընտրությունների արդյունքում սովորաբար կորցնում է մանդատներ։
