«Մասշտաբային հերթական քաղաքական տեռորն է իրականացվում այս անգամ արդեն «Հայաստան» դաշինքի առաջնորդի և նրա ընտանիքի անդամների նկատմամբ: Եվ այդ ֆոնին Սասուն Միքայելյանը գալիս է ամբիոնին, ելույթ է ունենում: Իմիջիայլոց, սա էլ պետք է հասկանալ՝ ինչպես է ելույթ ունենում այն պարագայում, երբ գրանցված չէր: Սա շատ, շատ հետաքրքիր դրվագ է․ սրանից հետո մենք էլ օգտվենք նման հետաքրքիր երևույթներից, բայց, ինչևէ, դա չէ հարցը:

Պարո՛ն Միքայելյան, դուք խոսեցիք հոկտեմբերի 27-ից․ միգուցե տեղյակ չեք, բայց ասեմ, որ նախագահ Քոչարյանն այս պահին կալանավորված չէ հոկտեմբերի 27-ի իրադարձությունների համար: Ես վստահ եմ, որ դուք դրա մասին պետք է իմանայիք, բայց եկել եք այստեղ, մի ամբողջ նարատիվ եք կառուցում՝ նկարագրելով մեր երկրում տեղի ունեցած ողբերգությունները: Այո՛, դա մեր պատմության ամենասև էջերից մեկն է, մեծագույն ողբերգություն է տեղի ունեցել, և դուք հիմա, որ եկել, նկարագրում եք, այդ շղթան բերում հասցնում էիք ու՞ր։

Ութ տարի իշխանության եղած մարդիկ պատասխաններով են խոսում, այլ ոչ թե հարցադրումներով: Դուք եկել եք, ու՞մ եք ի՞նչ հարցնում: Պարոն Անդրանիկ Քոչարյանն էլ ինձ ընդմիջման ժամանակ ասում է․ «Աննա՛, որտե՞ղ է այս ձայնագրությունը»։ Պարո՛ն Քոչարյան, իմ ազգանունը Գրիգորյան է, Վարդապետյան չէ․ ութ տարի հնարավորություն եք ունեցել Աննա Վարդապետյանին հարցեր տալու, պատասխան ստացե՞լ եք։ Որ պատասխան չեք ստացել, եկել եք, ի՞նչ հարցադրումներ եք այստեղ հնչեցնում»,- այս մասին ԱԺ իր ելույթում ասաց «Հայաստան» խմբակցության ղեկավար Աննա Գրիգորյանը։

Մանրամասն՝ տեսանյութում։