ՀՀ երկրորդ նախագահ Ռոբերտ Քոչարյանի որդի՝ Սեդրակ Քոչարյանի խափանման միջոցի հարցը կքննի Հակակոռուպցիոն դատարանի դատավոր Վարդգես Ստեփանյանը։
Ըստ դատավորների վարկանիշավորման՝ helpcourt.am կայքի, դատավորի վարկանիշը 0 է։
Դատավորի աշխատանքային կարիերան սկսվել է 2018 թվականին։
2018 թվականի օգոստոսից մինչև 2020 թվականի օգոստոսն աշխատել է ՀՀ ԶՈւ ԳՇ վարչական ապարատի իրավաբանական բաժնի տեսուչի, ՀՀ ԶՈՒ ԳՇ կառուցվածքային ստորաբաժանումների իրավական ապահովման բաժնի սպա-իրավաբանի և ՀՀ ԶՈւ ԳՇ վարչակազմակերպչական վարչության իրավաբանական ծառայության դատաիրավաբանական բաժանմունքի սպա-իրավաբանի պաշտոններում։
2021 թվականի հոկտեմբերից մինչև 2023 թվականի օգոստոսն աշխատել է ՀՀ վերաքննիչ քրեական դատարանում՝ որպես դատավորի օգնական, այնուհետև ՀՀ հակակոռուպցիոն դատարանում՝ որպես դատավորի օգնական։
2023 թվականի հոկտեմբերի 27-ին ՀՀ նախագահի՝ հրամանագրով նշանակվել է ՀՀ հակակոռուպցիոն դատարանի կոռուպցիոն հանցագործությունների վերաբերյալ վարույթներով մասնագիտացմամբ դատավոր:
Վարդգես Ստեփանյանը հիմնականում քննել է կոռուպցիոն բնույթի գործեր, բայց նրա վարույթում եղած գործերից շատերը դեռ ընթացքի մեջ են։
Հատկանշական է, որ գործարար, բարերար Սամվել Կարապետյանի տնային կալանքը երկարացնելու միջնորդությունը 2026 թվականի մարտի 13-ին քննել է հենց այս դատավորը և որոշում է կայացրել տնային կալանքը ևս մեկ ամսով երկարացնել։
