«Այստեղ իրավական որևէ բան տեսնել ուղղակի շատ մեծ ջանասիրության դեպքում ևս անհնար է։ Սա զուտ քաղաքական հանձնարարություն կատարողներ են այս մարդիկ։ Երեկ Ազգային ժողովի քաղաքական թիվ մեկ ամբիոնից երկրի փաստացի ղեկավարի պաշտոնը զբաղեցնող անձը քաղաքական հանձնարարական է տվել՝ Քոչարյաններին ունեզրկելու։ Այսպես հորինված ֆիրմաներ հիմա կփորձեն կապել Քոչարյան ազգանվան հետ։

Այս քաղաքական հետապնդումները մի վկայություն ունեն, որ այն մարդը, ով երեկ ասում էր՝ «Ես պատրաստ եմ այդ նույն դատով դատվելու», ես հույս ունեմ, որ ինքը, այո՛, դատվելու է, բայց ոչ էս դատով։ Ինքը դատվելու է նորմալ իրավական պետության՝ իրավական հետևանքներ ունեցող բուն իրավական պրոցեսներով՝ առանց քաղաքական հանձնարարականների, որովհետև էս գործողությունները ոչ միայն Քոչարյանների նկատմամբ են, այլ մեր պետության հիմքերի, հիմնասյուների նկատմամբ ոտնձգություն է։ Որովհետև հայտարարված իրավական պետությունում չեն կարող նման գործընթացներ տեղի ունենալ»,- այս մասին այսօր՝ օգոստոսի 25-ին, հայտարարեց «Հայաստան» դաշինքի անդամ Նարեկ Մանթաշյանը։

Մանրամասն՝ տեսանյութում։