ԱՄՆ նախագահ Դոնալդ Թրամփը հայտարարել է, որ Վաշինգտոնը կարող է «ինչ-որ պահի» վերսկսել Իրանի հետ տարվող բանակցությունները, սակայն հստակ ժամկետներ դեռևս չկան, հայտնում է Associated Press-ը։
Չորեքշաբթի օրը Սպիտակ տանը պատասխանելով լրագրողի այն հարցին, թե երբ է ԱՄՆ-ն ծրագրում վերսկսել Թեհրանի հետ բանակցությունները, Թրամփն ասել է․ «Այժմ ես կարծում եմ, որ իրավիճակը շատ լավ է, բայց, կարծում եմ, որ ինչ-որ պահի դրանք այնուամենայնիվ տեղի կունենան»։
Ամերիկացի առաջնորդը վերստին ընդգծել է, որ Իրանը չպետք է միջուկային զենք ստանա, սակայն իր դիրքորոշման վերաբերյալ այլ մանրամասներ չի հայտնել։
Դեռևս երեքշաբթի օրը Թրամփը հայտարարել է, որ ներկայումս Իրանի հետ որևէ բանակցություն չի ընթանում և նոր շփումներ նախատեսված չեն։
