«Եվրոպական ինտեգրման հանձնաժողովի ղեկավարի ընտրության հարցն ենք քննարկում և, անկեղծ ասած, ես միգուցե և չմոտենայի ամբիոնի եզրափակիչ ելույթ ունենալու համար, եթե որոշ հարցադրումներ չհնչեին տիկին Հովսեփյանին։ Այն հարցադրումները, որոնք վերաբերում էին բուն եվրոպական ինտեգրացիային, Եվրոպական միության անդամակցությանը և ընդհանրապես աշխարհաքաղաքական տեսանկյունից հնչեցվող հարցերը բավականին նորմալ էին, բայց եղան հարցեր, որոնց մոտիվը ինձ մինչև վերջ հասկանալի չէ, որովհետև կրկնում եմ՝ հարց չի ուղղվում Եվրոպական ինտեգրման հանձնաժողովի ղեկավարի գործառույթների, իր պատկերացումների մասին։
Արցախցի կնոջը նայելով ասում են՝ դուք ճանաչո՞ւմ եք Արցախը Ադրբեջանի կազմում։ Մարդիկ, ովքեր Արցախը ճանաչել են Ադրբեջանի կազմում, հանձնել են, պատճառ են դարձել էթնիկ զտման, կանգնած ուղիղ արցախցի կնոջը նայելով ասում են՝ դե ճանաչեք Արցախը Ադրբեջանի կազմում, դե ասա Ղարաբաղ, Արցախ չասես հանկարծ ու հանկարծ, սա հակամարդկային է, անմարդկային է, սա քաղաքական հարթության մեջ չի, որ մենք հիմա քաղաքական պատասխաններ հնչեցնենք»,- այս մասին այսօր՝ օգոստոսի 19-ին, հայտարարեց ԱԺ «Հայաստան» խմբակցության ղեկավար Աննա Գրիգորյանը։
Մանրամասն՝ տեսանյութում։
