«Զինված ուժերի, բանակի հետ կապված՝ եթե սրտացավ խոսում ենք, էստեղ քաղաքական որևէ հետին միտք չկա, որովհետև մեր զինված ուժերը բոլորինս են. մեր զինված ուժերում ծառայում են և՛ իշխանության ներկայացուցիչների զավակներ, և՛ ընդդիմության ներկայացուցիչների զավակներ, և զինված ուժերում թիկունք-թիկունքի տված են ծառայում:
Երկրորդը՝ երբ որ քննադատում եմ, ես առնվազն համարում եմ, որ դրա իրավունքն ունեմ, որովհետև հպարտ եմ, որ ներկայացնում եմ մի կուսակցություն, որի պատգամավորները ապրիլյան քառօրյայից հետո այս Ազգային ժողովում ամենավերջին սուր քննադատություններն էին փոխանցում այդ օրվա պաշտպանական գերատեսչությունների ղեկավարներին, այդ օրվա իշխանություններին՝ այն բոլոր բացասական բաները, որ ապրիլյանին մեր դաշնակցական կամավորական գումարտակի տղերքը տեսել էին:
Ու ընդհանրապես այդ թեման միշտ էլ եղել է, բայց, իշխանության պատգամավորներ, որ ասում եք «մեր զինված ուժերը», «մեր բանակը», ո՞րն է ձեր բանակը, ո՞րն է այն բանակը, որը կենսագրություն չո՞ւնի։ Հայաստանի Հանրապետության զինված ուժերը պատմություն չունեն»,- այս մասին ԱԺ իր ելույթում ասաց «Հայաստան» խմբակցության պատգամավոր Գեղամ Մանուկյանը։
Մանրամասն՝ տեսանյութում։
