«Մեր ամբողջ դիմումը մեկ մարդու մասին է՝ այն քաղաքացու, որի կամքն է սահմանադրությունը պաշտպանում, և որի կամքը պաշտպանելու առաքելություն ունեն պետական մարմինները և նաև այս բարձր դատարանը: Եվ ուզում ենք հերթով անդրադառնալ այդ ընտրողի հատկանիշներին:
Պարոն Խաչատուրյան, ընտրողը մտածող մարդ է, նա վերլուծում է: Հինգ օր շարունակ տևած մեր քննարկումներից ընտրողը վերլուծում և հասկանում է, որ Կենտրոնական ընտրական հանձնաժողովը անգործություն է դրսևորել: Մենք հասկացանք, որ, կարելի է ասել, չենք ունեցել Կենտրոնական ընտրական հանձնաժողով, քանի որ այն չի կատարել իր առաքելությունը, չի ապահովել հավասար ու ազատ ընտրական իրավունքի իրացումը:
Վարչական վարույթներ չհարուցելով՝ մենք տեսանք, որ Կենտրոնական ընտրական հանձնաժողովը պարզապես գործել է որպես գրասենյակ. ընդամենը վերահասցեագրել է իրեն ուղղված այն դիմումները, որոնց ինքը, օրենքով սահմանված ուղիղ պարտականությամբ, պիտի անդրադառնար: Եվ այստեղ ոչ մի բացատրություն ընդունելի չէ, ոչ մի պատճառաբանություն ընդունելի չէ, թե քանի բողոք է բողոքարկվել դատական կարգով: Այստեղ կարևոր է այն արձանագրումը, որ Կենտրոնական ընտրական հանձնաժողովն իրականացրել է զրո վարչական վարույթ:
Այո՛, այդ թվում՝ իրավապահ մարմինների կողմից հակաքարոզչության իրականացման մասով, և այո՛, նաև հղում կատարեմ «Դոգ» կուսակցության ներկայացուցչի դիրքորոշմանը: Ընտրակաշառքների վերաբերյալ հրապարակումներին զուգահեռ՝ պետք էր պահանջել տվյալներ, կողմերին հրավիրել մեկ հարկի տակ, տալ հավասար հնարավորություններ և եզրահանգել, թե որ կողմն է փորձում ոչ իրավաչափ ազդել ընտրությունների արդյունքների վրա: Ի վերջո, ԿԸՀ-ն կոչված է իրապես վերահսկելու ընտրական պրոցեսը:
Փոխարենը՝ անատամ գրություն քննչական մարմիններին, թե՝ «Կլինի՞ արդյոք չտաք մասնակից ուժերի անուններ», որին ստանալով ոչ իրավաչափ մերժում՝ ասել են. «Դե, չի լինի՝ չի լինի»,- այս մասին ՍԴ-ի ամփոփիչ ելույթում նշեցին «Հայաստան» դաշինքի ներկայացուցիչներ, փաստաբաններ Հովհաննես Խուդոյանը և Տաթևիկ Սողոյանը։
Մանրամասն՝ տեսանյութում։
