ՀՀ Սահմանադրական դատարանում մեկնարկել է հունիսի 7-ի խորհրդարանական ընտրությունների արդյունքները վիճարկող դիմումների քննությունը։
«Այս գործով խնդիրը միայն այն չէ, որ որևէ որոշում չի կայացվել, խնդիրն այն է, որ չի իրականացվել այն սահմանադրական պարտականությունը, որի համար այդ լիազորությունը ընդհանրապես տրված էր։ Ստացվում է, որ եղել է ԿԸՀ համաձայնությունը, որ ընտրական գործընթացը լինի խախտումներով, քանի դեռ դրանք արվում են իշխող ուժի համար»,- ՍԴ իր ելույթում նշեց «Հայաստան» դաշինքի պատգամավոր Արծվիկ Մինասյանը։
Հիշեցնենք, որ ՍԴ դիմել էին ընտրությանը մասնակցող 18 քաղաքական ուժերից 7-ը՝ «Ուժեղ Հայաստան» և «Հայաստան» կուսակցությունների դաշինքները, «Բարգավաճ Հայաստան», «Միասնության թևեր», «Դեմոկրատիա Օրենք Կարգապահություն», «Հանուն Հանրապետության ժողովրդավարության պաշտպանների դաշինք» և «Նոր ուժ» կուսակցությունները։
Մանրամասն՝ տեսանյութում։
