«Այս ընտրությունները նրա մասին են, թե Հայաստանը արդյոք մնալու է իր բովանդակությամբ հայկական պետություն: Սա է այս ընտրությունների գլխավոր հարցը: Մենք պաշտպանո՞ւմ ենք, թե՞ դավաճանում ենք մեր պատմությանը, մեր ինքնությանը, մեր արժեքային համակարգին:

Այս ընտրությունները նրա մասին են, թե մենք պահպանում ենք մեր ինքնիշխանությունը, թե մենք դառնալու ենք թուրքական աշխարհի կցորդ և կատարելու ենք իրենց կամքը։

Այս ընտրությունները նաև Հայաստանի պատմության մեջ ամենից կեղտոտ, այլանդակ ընտրություններն էին: Եվ այդ կեղտի և այլանդակության հեղինակը այս իշխանությունն է: Իրենք թունավորել են այս ընտրարշավը իրենց թույնով, կեղտոտ բերաններով, կեղտոտ բառապաշարով: Մենք սա չենք հանդուրժում: Մեր ոճը չի: Հայաստանը պիտի փորձենք մաքուր պահել այդ կարգի կեղտից:

Ոչ մի ընտրություն Հայաստանի պատմության մեջ չի զուգորդվել այս քանակի ձերբակալություններով, կալանքներով, տարբեր կարգի ճնշումներով, ծեծով և այլն, և այլն, և այլն: Եվ այս ամենի հեղինակը այս իշխանությունն է, որը եկել է ժողովրդավարության կարգախոսներով, բայց դարձել է ուղղակի բռնապետական ոճ ունեցող իշխանություն և այդ ամեն ինչով նույնիսկ հարցականի տակ է դնում արդյունքների լեգիտիմությունը»,- այս մասին այսօր՝ հունիսի 5-ին, «Հայաստան» դաշինքի անդամների և աջակիցների ամփոփիչ հանդիպմանը հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը:

Մանրամասն՝ տեսանյութում։