Եթե հրաշքով Արգիշտին ևս մեկ անգամ այս կողմերով անցներ, կասեր՝ բա ես սե՞նց պետության հիմք դրեցի, այս ո՞ւմ այս երկիրը վստահեցիք, որ հիմա վեր ա կենում ու ասում՝ մոռացեք անցյալը, մոռացեք պատմությունը, բան չասեք, որ թուրքերի դուրը չգա, վիզներդ կախ պահեք, թե չէ փորձանք ա։ Չնայած հիմնական և, թերևս, միակ փորձանքը հենց ինքը՝ Նիկոլ Փաշինյանն է։ Այս մասին այսօր՝ մայիսի 24-ին, Էրեբունի համայնքում քաղաքացիների հետ հանդիպման ընթացքում հայտարարեց «Հայաստան» խմբակցության պատգամավոր Արթուր Խաչատրյանը։
«Ուրբաթ օրը Գրիգորյան Աննայի հետ հանդիպեցինք շուրջ 20 օտարերկրյա լրագրողների՝ գերմանացի, ավստրիացի և շվեյցարացի։ Բնականաբար, իրենց հետաքրքրում էին Ռուսաստան-Արևմուտք հարաբերությունները, առևտրատնտեսական կապերը։ Ասում են՝ իսկ Եվրոպայի հետ ի՞նչ։
Ասում եմ՝ իհարկե համաձայն ենք, իհարկե պետք է ընդլայնենք մեր տնտեսական հարաբերությունները։ Բայց հարցնում եմ՝ ձեզանից որևէ մեկը Գերմանիայում, Ավստրիայում կամ Շվեյցարիայում հայկական ապրանք գնե՞լ է։ Քար լռություն։
Լավ, ասում եմ՝ չեք գնել, գոնե ձեզանից որևէ մեկը Եվրոպայում որևէ խանութում կամ ցուցափեղկում հայկական ապրանք տեսե՞լ է։ Կրկին քար լռություն։
Որտեղի՞ց տեսնեն։ Ի՞նչ է Հայաստանը արտադրում, որ կարողանա վաճառել Եվրոպայում։
Բա ինչի՞ վրա է Նիկոլ Փաշինյանի այդ հրճվանքը, թե՝ «հեսա սահմանը բացվեց, հեսա թուրքերը թողնելու են, հեսա մեր ապրանքը գնալու է»։ Ի՞նչ է գնալու։ Հոլանդիայից բերած վարդը Հոլանդիա՞ է գնալու, թե՞ Թուրքիայից մաքսանենգ բերված լոլիկն է Թուրքիա գնալու։
Իր ստեղծած տնտեսությունը չարչիական տնտեսություն է՝ միայն առևտուր, ուրիշ ոչինչ։
Մենք, ի տարբերություն Նիկոլ Փաշինյանի, խոստանում ենք Հայաստանը դարձնել արդյունաբերական, ինժեներական, գիտելիքահենք պետություն՝ վերադարձնելով նախկին հզորությունն ու համբավը»,- նշեց նա։
Մանրամասն՝ տեսանյութում։
