Իրանի գերագույն առաջնորդ, այաթոլա Մոջթաբա Խամենեիի խորհրդական և օգնական Մոհամադ Մոհբերը նախազգուշացրել է, որ վերջին տարածաշրջանային իրադարձություններից հետո Իրանի զսպվածությունը «հավերժ չի լինի»՝ մեղադրելով Պարսից ծոցի որոշ երկրներին իրենց տարածքը Իրանի թշնամիներին տրամադրելու մեջ։
X սոցիալական ցանցում կատարած գրառմամբ Մոհամադ Մոհբերը արձագանքել է Պարսից ծոցի տարածաշրջանում տեղի ունեցած վերջին քաղաքական իրադարձություններին։
«Իրանը երկար տարիներ նրանց դիտել է որպես ընկերներ և եղբայրներ, սակայն, նախապես վաճառելով իրենց անկախությունը, նրանք նույնիսկ իրենց հողն ու տներն են տրամադրել Պաղեստինի և Իրանի թշնամիներին»,- նշել է նա։
Մոհբերը հայտարարել է, որ «իսլամական հանրապետության արձագանքը CENTCOM-ի վարձակալած բազաներին վերջին պատերազմի ընթացքում լիակատար չի եղել»։
«Սակայն այս զսպվածությունը, անկասկած, հավերժ չի տևի»,- ավելացրել է նա։
