«Հայաստան-Ռուսաստան հարաբերությունները ինչպե՞ս եք փորձելու կարգավորել»,- Գավառ քաղաքում հանդիպման ժամանակ ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանին հարցրեց ներկաներց մեկը։
Նախագահ Քոչարյանը պատասխանեց․ «Դուք այդ հարաբերություններում որևէ լարվածություն զգացե՞լ եք 1998-2008 թվականներին։ Դուք երևի չեք հիշում, դահլիճի մի մասը հիշում է։ Երբեք չի եղել։ Մենք 3-4 անգամ ավելի էժան էինք առնում գազը, քան, օրինակ, եվրոպացիք։ Սա նաև հարաբերությունների շնորհիվ էր։
Մենք ունենք այդ հնարավորությունը՝ օգտվել հսկայական շուկայից, ԵԱՏՄ շուկայից։ Այսօր վարչապետը ճյուղի վրա նստած՝ սղոցը ձեռքին կտրում է, էնտուզիազմով, ջանասիրությհամբ։ Բայց համոզված եմ, այդ ճյուղից ինքը չի ընկնելու, մեր ժողովուրդն է ընկնելու, երկիրն է ընկնելու։ Ինքը ինչ-որ մի տեղ թռնելու է։ Վարպետ է, չէ՞, թռնելու։ Ինքը թռնելու է, բայց ժողովուրդը, երկիրն ընկնելու են էդ ճյուղից։ Բայց փորձում ես հասկանալ՝ այդ ջանասիրությունն ինչի՞ համար է։ Բացատրությունը չունեմ։ Կա՛մ հանձնարարել են, կա՛մ, վերջերս շատ են խոսում, որ «Արևմտյան Ադրբեջանի» մարզպետի կարգավիճակի համար է պայքարում։ Երևի ճիշտ են ասում»։
Մանրամասն՝ տեսանյութում։
